Mund të kishte hyrë në historinë e futbollit por traversa e ndali. Akoma pa marrë frymë nga starti i superduelit Inter-Napoli, Mauro Icardi goditi drejt e në portë topin që u nis nga mesi i fushës.
Tre sekonda zgjati nga momenti i goditjes deri sa mbërriti në portë, aty ku për fat të portierit Meret topi u përplas në traversë. Ky do të ishte ndër golat më të bukur në karrierën e Icardit, pasi distanca është mbi 50 metra nga mesi i fushës deri në portë, por fati deshi portierin e Napolit që të mos hynte në historinë e gafave.
