Aleksander Mitroviç dhe Fulhami i tij u mposhtën nga Tottenham në shtëpi me rezultatin 1-2. Sulmuesi serb nuk ka gjetur rrugën e rrjetës dhe gjatë ndeshjes ka qenë i bllokuar nga qendërmbrojtësit e kundërshtarëve. Veçanërisht Sançez, ia ka bërë jetën shumë të vështirë sulmuesit të Rainerit, i cili gjatë ndeshjes ka shpërthyer në dhunë kundër kolumbianit.
Ai në një lëvizje që kujton më shumë artet marciale sesa futboll, ka kapur për qafe mbrojtësin dhe e ka rrëzuar në tokë. Kjo lëvizje ka qenë në gjaknxehtësi e sipër, gjë që Mitroviç e ka bërë shpesh herë. Serbi është një lojtar, i cili është shumë grindavec në fushën e lojës, madje fjaloset me shumë nga mbrojtësit kundërshtar.
