Një 24 vjeçar, i shpallur në kërkim për vrasje, është vetëdorëzuar në polici. Klodian Mhilli kërkohej nga policia si autor i dyshuar i vrasjes së 33 vjeçarit Valter Fjerzës më 21 Shtator të vitit të kaluar. Ngjarja e rëndë ndodhi në fshatin Hot i Ri vetëm pak metra larg banesës së tij.
I riu po shkonte me makine në lokalin e fshatit pasi kishte mësuar se i vëllai, Kol Fjerza po konfliktohej me 5 djem të fisit Mhilli. Sherri mes Kol Fjerzës dhe autorit të dyshuar, Klodian Mhilli kishte lindur për një vend parkimi në rrugicën e lagjes. 24-vjeçari Mhilli prentendonte se 35 vjeçari Fjerza i kishte bllokuar rrugën për të hyrë në banesë.
Prokuroria pranë Gjykatës së Shkallës së Parë të Juridiksionit të Përgjithshëm Shkodër ka dërguar urdhrin per ekzekutimin e vendimit të vitit 2023 të Gjykatës së Shkodrës, e cila i ka caktuar 24-vjeçarit, masën e sigurisë “Arrest në burg”, për veprat penale “Vrasja me dashje”, “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe shitja e narkotikëve”, kryer në bashkëpunim.
