Shqipëria do të preket nga nesër, ditë e diel, nga i nxehti afrikan me temperatura maksimale mbi 40°C. Në të njëjtën situatë do të jetë edhe Kosova, por me temperatura disi më të ulëta se në vendin tonë.
Prej ditësh Evropa është goditur nga kjo valë e të nxehtit, e cila ka marrë edhe jetë në Itali dhe Spanjë.
“Depërtimi i Anticiklonit Afrikan do të sjellë masa ajrore të thata e të nxehta duke bërë që moti të jetë i kthjellët gjatë gjithë ditës dhe kohëzgjatja e orëve me diell e temperatura të larta të mbizotërojë në të gjithë territorin.
Era do të fryjë me drejtim veriperëndim-verilindje me shpejtësi 1-6m/s, duke bërë që valëzimi në dete të jetë i forcës 1 ballë”, thotë Shërbimi Meteorologjik Ushtarak.
