I mbaroi kontrata me Atletico Madridin, ja ku ka përfunduar Torres

Sezoni që lamë pas ishte i fundit për Fernando Torres tek Atletico Madrid. Sulmuesit spanjoll i përfundoi kontrata dhe vendosi të largohet si lojtar i lirë. Torres është prezantuar tek ekipi i ri dhe ka vendosur që aventura e radhës të jetë në Japoni.34-vjeçari është bashkuar me Sagan Tosu dhe gjatë fjalës së tij të parë deklaroi se do të bëjë maksimumin për skuadrën dhe për arritjen e objektivit që është fitorja e kampionatit. Ai pohoi se gjëja më e rëndësishme për të tani është të ndihmojë ekipin e tij.Torres theksoi se Sagan Tosu është një sfidë interesante si për karrierën tij ashtu edhe në pikëpamjen e tij kulturore, pasi do të jetojë në një shtet ku ka qenë vetëm si turist.