Durim Bami, i njohur si figura e fuqishme e Niklës, vazhdon të mbahet në paraburgim në Dubai, ku po zhvillon një betejë të fortë ligjore për të parandaluar ekstradimin drejt Shqipërisë. Kërkesa e Shqipërisë për ta sjellë atë në vend ka shtuar tensionet, ndërkohë që autoritetet shqiptare janë të vendosura për ta dërguar në qelitë e paraburgimit.
Bami, i shpallur në kërkim ndërkombëtar nga SPAK, është arrestuar më herët në Emiratet e Bashkuara Arabe, por u lirua për shkak të mungesës së një marrëveshje ekstradimi mes dy vendeve. Pas një periudhe të gjatë lirie, ai u ndalua për herë të dytë në Dubai, ku ndodhej me familjen. Prej mbi një muaji e gjysmë, ai mbahet në paraburgim dhe ka filluar një betejë të fortë ligjore.
Avokatët e tij kanë marrë dosjen e SPAK, ku ai është identifikuar si i dyshuar për kryerjen e veprave penale dhe për lidhjet me grupe kriminale. Beteja ligjore në Dubai pritet të jetë e ashpër, pasi Bami rrezikon ekstradimin, siç ndodhi me Plarent Dervishajn, i cili pas një periudhe të gjatë qëndrimi në Dubai, u deportua në Shqipëri.
Seanca e radhës për Durim Bamin është planifikuar për më 24 dhjetor, ku do të vendoset për të ardhmen e tij dhe fatin e ekstradimit.
