Djali i gazetarit të vrarë, Jamal Khashoggi ka lënë Arabinë Saudite. Kështu citon një burim i afërt me familjen.
Salah bin Jamal Khashoggi, i cili ka shtetësi amerikane dhe saudite, më parë nuk ishte në gjendje të largohej nga Arabia Saudite. Kjo, pasi pasaporta e tij ishte e kufizuar nga mbretëria disa muaj më parë.
Salah Khashoggi është djali më i madh i gazetarit, të cilin zyrtarët e Saudit e pranojnë se u vra me paramendim. Ai u ekzekutua nga një grup burrash, me lidhje të ngushta me princin e kurorës së vendit, Mohammed bin Salman.
Drejtoresha e CIA-s, Gina Haspel do të njoftojë presidentin Trump mbi hetimin turk për vdekjen e Khashoggi. Sipas The Washington Post, Haspel dëgjoi një audio-përgjim që vërtetonte vrasjen e gazetarit.
Trump ka shprehur gjithnjë e më shumë frustrime me përgjigjen saudite për vrasjen e Khashoggit. Prokuroria Saudite pranoi vetëm sot që gazetari ishte vrarë me paramendim.
Pasojat kanë dëmtuar Arabinë Saudite, kanë dëmtuar rëndë princin e kurorës dhe kanë ngritur pyetje rreth prioriteteve të politikës së jashtme të SHBA-së që varen nga financimi apo bashkëpunimi i mbretërisë. Trump është irrituar nga mbulimi negativ, thonë burimet, dhe fajëson sauditët se po e bëjnë atë të duket keq.
Të martën, Trump u tha gazetarëve se autoritetet saudite kishin organizuar “mbulimin më të keq ndonjëherë” të krimit dhe tha për Wall Street Journal se princi i kurorës mund të jetë përgjegjës./ TIRANA TODAY
