Shqipëria ka vetëm dy precedentë me Uellsin, pikërisht për eliminatoret e Europianit 1996. Në “Qemal Stafa” ka barazuar 1-1, ndërsa në Kardif humbi me shifrat 2-0, teksa në të dyja takimet trajner i kuqezinjve ka qenë Neptun Bajko. Uellsi si kundërshtar mbahet mend më tepër për akuzat mes Rudi Vatës dhe Foto Strakoshës afro dy dekada më parë.
“Do t’i thosha Strakoshës që ‘marrëdhëniet tona janë ftohur njëherë e mirë ndoshta 10 vjet më parë, kur oferta që më bëre para ndeshjes me Uellsin, për ta shitur ndeshjen, u refuzua nga ana ime dhe respekti për ty ka marrë fund që atë ditë”, ka thënë Vata.
Ndërsa Strakosha këto akuza i ka cilësuar si shpifje: “E përbuz me neveri njeriun e ulët dhe pa moral, Rudi Vata, për gjithë këtë skenar të ndyrë”./p.sport/
