Situata që po kalon Elseid Hysaj te Napoli nuk është aspak komode. Mungesa e aktivizimit dhe rinovimi i mbetur pezull ka bërë që futbollisti i kombëtares shqiptare të mendojë largimin. Nën drejtimin e Ancelottit, shkodranit i kanë munguar minutat në fushën e lojës edhe pse nuk ka vuajtur nga ndonjë dëmtim.
E ardhmja e tij duket gjithmonë e më larg Napolit. Atletico Madrid po ndjek situatën dhe është gati ta sjellë në kryeqytet shqiptarin. Në fakt mbërritja e tij në Spanjë duket do të përfshinte edhe një futbollist të Interit. Bëhet fjalë për kroatin Vrsaljko. Ky i fundit është huazuar te zikaltërit nga Atletiko dhe italianët pritet ta rikthejnë në shtëpi në fund të sezonit pasi është larg pritshmërive. Në marrëveshje për të përfituar shërbimet e Hysajt, mund të hyjë pikërisht kroati Vrsaljko.
