Ish-kryeministri maqedonas Nikolla Gruevski, e ka kërkoi azilin politik në ambasadën hungareze në Tiranë. Kë është informacioni i konfirmuar nga Radion Evropa e Lirë nga Ministria e Punëve të Jashtme të Hungarisë.
Me kërkesë të Radios Evropa e Lirë, nga kjo ministri është deklaruar se “nuk kanë informacion se si Gruevski u largua nga Maqedonia”. Por në informacion u shtua se “në përputhje me të drejtat kombëtare dhe ndërkombëtare ai arriti në Hungari”.
Ministria hungareze thekson më tej se kërkesa e tij për azil politik “nuk është çështje politike, por ligjore”.
Por REL, e cila analizon një serë këmbimesh pyetje – përgjigje me autoritetet hungareze për rastin Gruevski, thekson se:
Ndërsa Ministria e Punëve të Jashtme të Hungarisë pranon se Gruevski arriti në përputhje me ligjet, në një përgjigje më të hershme të po kësaj ministrie është deklaruar se nuk posedohet asnjë informacion në lidhje me atë se ish-kryeministri maqedonas erdhi në Budapest.
Kryeministri maqedonas Zoran Zaev, tha një ditë më parë se “i dinte të gjitha detajet” dhe ishte plotësisht i informuar për hetimin e arratisjes së Nikolla Gruevskit në Hungari.
