Kamza është mposhtur nga Teuta në Durrës, humbje që ka rezultuar fatale për trajnerin Bledar Devolli dhe ndihmësit e tij. Menjëherë pas ndeshjes është dhënë njoftimi se stafi i klubit është shkarkuar edhe pse situata dukej e qetë në skuadër.
Në 3 javët e para të kampionatit Kamza ka grumbulluar 3 pikë, 2 më shumë se Tirana dhe 3 më shumë se Luftëtarit. Duket disi i pakuptimtë ky vendim i drejtuesve kamzalinj në javën e 3-të të kampionatit, duke pasur parasysh lojën e mirë që skuadra ka zhvilluar dhe fitoren e arritur ndaj Tiranës.
“Pas ndeshjes se humbur ndaj Teutes është vendosur shkarkimi i stafit teknik”, shkruan klubi në faqen zyrtare.
