Avdullah Hoti, kandidati për deputet i LDK-së, ka thënë se kryeministri aktual Albin Kurti është duke përdorur një fjalor jo të mirë në fushatën e tij zgjedhore.
Në emisionin Info Magazine të Klan Kosovës, ai ka deklaruar se Kurti ka një fjalor që është fyes për familjet kosovare.
“Mesazhi që po tentojmë të qojmë është shumë i kujdesshëm dhe shumë konstruktiv, duke përdorur një gjuhë e cila është e pranueshme së pari për familjet tona, që asnjë familje nuk e ka problem të dëgjojë përfaqësuesit e LDK-së”.
“Krahasuar me fjalorin e kryeministrit në largim, që është i përçudnuar me krahasimet që ne nuk i marrim fyese, ne nuk fyhemi nga një person i tillë që asnjëherë nuk e ka merituar besimin e qytetarëve për pozitën shumë të lartë që mban”.
“Është gjuhë fyese për familjet, tona, është gjuhë përqudnimi, tregon për frikën që ai e ka nga rezultati i zgjedhjeve që do të marrë më 9 shkurt”,ka thënë Hoti. /Klankosova.tv
