Historike, pas tymit dhe flakës votohet demarkacioni me Malin e Zi
Kuvendi i Kosovës ka votuar për ratifikimin e marrëveshjes me Malin e Zi. Për kanë votuar 80 deputetë.
Seanca e cila ka filluar në orën 11:00 është ndërprerë disa herë pasi që deputetët e VV-së kanë hedhur gaz lotsjellës.
Në momentin kur Kuvendi i Kosovës ka votuar për ratifikimin e kësaj marrëveshje nga Lëvizja Vetëvendosje, i pranishëm ka qenë vetëm Shefi i Grupit Parlamentar, Glauk Konjufca.
Konjufca ka kërkuar fjalën nga kryetari i Kuvendit, Kadri Veseli, por që nuk i është dhënë mundësia të flas.
Kjo marrëveshje është arritur në Bruksel në vitin 2015 dhe është ratifikuar vetëm pas tri viteve.
