Pasi rifilloi mbledhjen në orën 12:00 duke u mbyllur dyert qytetarëve, Këshilli Bashkiak i Himarës ka vendosur me 16 vota pro, futjen në rendin e ditës të zgjedhjes së kryetarit të komanduar të Himarës.
Këshilltarët e Partisë Socialiste kanë propozuar për të zgjedhur nënkryetaren Blerina Balaj, të ulur të gjithë në një tryezë përballë mediave.Me 15 vota pro për kryetarin e ri të komanduar të bashkisë, këshilltarët kanë zgjedhur automatikisht Balajn.
“Mbaroi, vazhdojmë me pikën tjetër të rendit të ditës,” u dëgjua.
Por, më pas ka dalë një problem se duke qenë se mungonte opozita, nuk mund të vazhdonin me miratimin e buxhetit të bashkisë së Himarës. Dhe drejtuesi i Këshillit e mbylli mbledhjen me një urim për të sapozgjedhurën që pason Fredi Belerin dhe Jorgo Goron: “Unë dua të falënderoj edhe kryetaren që mori detyrën. Besoj se do të vazhdojë atë rrugën që ka ndjekur ai kryetari i mëparshëm Gjergji Goro sepse bashkia e Himarës ka nevojë shumë për një kryetar.”
Të këtë mbledhje nuk morën pjesë të dërguarit nga Qeveria, Bledi Klodi dhe Vangjel Tavo, të cilët u përzunë nga qytetarët e Himarës kur u ulën në tryezë në mbledhen e parashikuar të niste në orën 10. Prania e tyre shkaktoi protesta dhe u bë shkak për shtyrjen e mbledhjes së Këshillit Bashkiak për në orën 12:00.
