Abdul Beset nuk është autori i sulmit ndaj skuadrës së Dortmundit. 26-vjeçari, Abdul Beset, do të përgjigjet në gjykatë mbi akuzën e pjesëmarrjes në një organizatë terroriste, por nuk ka asnjë provë që e lidh atë me agresionin ndaj ekipit gjerman.
I dyshuari për sulmin ndaj autobusit të Borussia Dortmundit është një 28-vjeçar gjerman, por ende nuk ka shumë detaje mbi këtë proces.
Ky është përfundimi i hetuesve pas ekzaminimit të provave, ndërsa është zbardhur edhe identiteti i të arrestuarit.
Abdul Beset ka qenë, dikur, drejtuesi i një njësie luftarake të Shtetit Islamik në Irak, por ishte kthyer në Gjermani në vitin 2016. Për këtë arsye, emri i tij kishte dalë si një prej të dyshuarve kryesorë.
Pavarësisht dyshimeve të forta, që kanë për rastin, autoritetet nuk mund të provojnë përfshirjen e tij në sulmin ndaj autobusit që po transportonte Borusian e Dortmundit.
Në këtë mënyrë, rasti i fundit vijon të mbetet i pazbardhur. Autoritetet bëjnë të ditur se kanë dyshime edhe për një 28-vjeçar gjerman, por ky i fundit, deri më tani, nuk është shoqëruar për t’u marrë në pyetje.
