Lojërat Olimpike për një sportist, janë kulmi i karrierës dhe të gjithë japin gjithçka nga vetja për të arritur. Po ajo që ka bërë sportisti japonez është e tepërt. Për të marrë pjesë në Olimpiadën “Tokio 2020” ka arritur të helmojë kolegun që është njëkohësisht edhe rivali kryesor. Por më pas është penduar dhe ka rrëfyer gabimin. Kjo i ka kushtuar 8 vite pezullim nga aktiviteti, që do të thotë “lamtumirë” ëndrrës për të shkuar në Lojërat Olimpike. Fajtori është Yasuhiro Suzuki, 32 vjeç dhe një nga yjet e garës së kanoes në Japoni, fitues i medaljes së artë në disiplinën K1 në Lojërat Aziatike 2015.
Në një garë kombëtare të zhvilluar në Suzuki, ai ka hedhur steroid anabolizues në gotën e ujit të rivalit më të fortë, 25-vjeçarit Seiji Komatsu, që e fitoi garën, por më pas doli pozitiv. Komatsu mohoi përdorimin e substancave të ndaluara, por kjo nuk mjaftoi dhe u pezullua. Por situata ndryshoi kur Suzuka pranoi mëkatin dhe Komatsu doli i pafajshëm, duke iu rikthyer garave, ndërsa vetë fajtori u dënua 8 vjet, pasi u cilësua fajtor “kundër rregullave të fair play”.
