Gazeta më e lexuar në Zvicër “Blick”, ka bërë një analizë për sfidat që i presin nëntë krerë të shteteve më të fuqishme të botës. Një ndër këta liderë politikë, sipas kësaj medie, është dhe presidenti i Kosovës Hashim Thaçi.
Sipas “Blick”, do të jetë detyrë e Thaçit për vitin 2019, që të vazhdojë të mbrojë pavarësinë e vendit të tij, dhe të kontribuojë në stabilitetin e rajonit, pas themelimit të ushtrisë, pa e nxitur më tej konfliktin.
“Presidenti i Kosovës, Hashim Thaçi, si kryeministër në 2012 i shtrëngoi duart me homologun e atëhershëm serb. Këtë vit, marrëdhënia mes dy vendeve është përkeqësuar përsëri.
Një zgjidhje e mundshme për konfliktin e bllokuar në Kosovë, ishte shkëmbimi i një rrethi verior në Kosovë, për një territor serb të banuar kryesisht nga shqiptarët.
Në dhjetor, Thaçi njoftoi themelimin e ushtrisë së Kosovës. Serbia, e cila kurrë nuk e ka njohur shkëputjen e Kosovës u tërbua. Në Këshillin e Sigurimit të OKB-së, i cili u mblodh nxitimthi, gjithashtu pati diskutime.
Do të jetë detyrë e Thaçit për vitin 2019, që të vazhdojë të mbrojë pavarësinë e vendit të tij dhe të kontribuojë në stabilitetin e rajonit, pas themelimit të ushtrisë, pa e nxitur më tej konfliktin”, shkruhet për Thaçin.
