Ministri i Jashtëm serb Ivica Daçiç tha për RTS-së se pengesa kryesore për gjetjen e një kompromisi me Kosovën, është vendosmëria e Prishtinës për të arritur qëllimet e saj maksimale. Ai thotë se në Prishtinë ata mendojnë se është një kompromis për Beogradin që të njohë pavarësinë e Kosovës dhe të marrë diçka tjetër nëpërmjet saj. Ai thekson se ai që kundërshton zgjidhjen, beson se zgjidhja më e mirë është një Kosovë e pavarur.
Ai gjithashtu tha se vetëm “i verbëri” nuk mund ta shikonte përpjekjen, ku shqiptarët duan krijimin e Shqipërisë së “Madhe”. Daçiç tha se lufta është e nevojshme për mbijetesën e popullit serb në Kosovë dhe Metohi, sepse në qoftë se nuk ka komb, si në Krajina, atëherë ne nuk mund të mbrojmë interesat kombëtare.
Ai deklaron se është e qartë që Prishtina shmang formimin e ZSO dhe se është një zgjidhje e përhershme, “e cila është qesharake dhe ne nuk e pranojmë atë”.
Ministri i Punëve të Jashtme thekson se askush nga Beogradi kurrë nuk ka përmendur se do të njohë Kosovën si shtetet të pavarur dhe se do të bëhet anëtare e OKB-së.
“Ne po vazhdojmë luftën për të tërhequr njohjen, ne presim që ky proces të vazhdojë dhe po punojë çdo ditë për këtë. Ne luftojmë për popullin tonë”, – thotë Daçiç dhe shton: Nëse dikush ka një tjetër zgjidhje për kompromis, le të sugjerojë”./Tirana Today/
