Ish-kryeministri i Kosovës, Ramush Haradinaj do të duhet të kërkoj kompensim nga Gjykata e Colmarit në Francë, thotë profesori i çështjeve kushtetuese dhe anëtari i Aleancës për Ardhmërinë e Kosovës, Riza Smaka.
Ky i fundit në një prononcim për “Indeksonline”, ka thënë se ish-komandanti i Ushtrisë Çlirimtare të Kosovës për rajonin e Dukagjinit, ka të drejtë të kërkojë kompensim material dhe moral dhe, këtë, sipas tij, ai do ta realizojë.
Liderit të AAK-së i ishte pamundësuar kthimi në Kosovë për gati katër muaj, mbi bazën e një flet-arresti serb, të lëshuar në vitin 2004.
Pas disa seancave gjyqësore, Gjykata në Colmar mori vendim që të refuzojë kërkesën e shtetit serb për ekstradim dhe ta lëri të lirë të kthehet në Kosovë.
