Nga qyteti i Shkodrës, ambasadori i Italisë në vendin tonë, Alberto Cutillo ka apeluar se i takon qeverisë dhe popullit shqiptar që të bindin skeptikët. Përmes një prononcimi për mediat, ai u shpreh se mes opozitës dhe qeverisë ka kontraste, por me rëndësi mbetet fakti që të gjejnë gjuhën e përbashkët.
“Shumica e shteteve kanë dhënë opinionin e tyre pozitiv, dhe kush akoma është duke menduar ndoshta mund të ndërrojnë edhe ide. Gjithsesi i takon qeverisë dhe popullit shqiptar për këtë periudhë që kanë mbetur, të ndryshojnë idenë e atyre që janë skeptikë. Mes opozitës dhe qeverisë ka kontraste, por është e rëndësishme që gjithsesi të gjejnë të përbashkëtën e objektivit që na pret”.
Sa i takon procesit të Vettingut, ambasadori tha se kjo është një reformë e thellë, dhe si e tillë ka edhe probleme në këtë fazë fillestare. Ndërsa shprehu edhe shqetësimin për ngërçin në Gjykatën Kushtetuese.
“Është një reformë e thellë dhe duke qenë e tillë, ka edhe probleme në fazën e saj fillestare. Ajo që më preukupon është mosplotësimi i Gjykatës Kushtetuese, e cila është e paralizuar nga ky proces dhe është një rast i tillë që derisa të kompletohet, plotëson vakum”.
