Në “San Paoli” janë zhvillua 45’ minuta spektakolare, ku janë shënuar 5 gola dhe një përmbysje rezultati. Janë të besuarit e Maurizio Sarrit të cilët nuk dorëzohen edhe pse e shohin veten dy herë në disavantazh ndaj Sampdorias, por bëjnë mrekullinë duke përmbysur në 3-2. Kjo fitore duke parë edhe dështimin e zikaltërve, i çon ata në +5 nga vendi i tretë dhe katër pikë më shumë se Juventus që përballet me Romën. Marek Hamsik ishte njeriu simbol pasi me golin që realizoi mesfushori sllovak jo vetëm që përmbysi shifrat në 3-2 duke i dhënë fitoren skuadrës së tij por u bë golashënuesi më i mirë i të gjithë historisë së klubit të kaltër me 116 finalizime, 1 më shumë se legjenda Diego Armando Maradona.
Në San Paolo sfida nisi me një supergol të Ramirez por Allan shumë shpejt barazoi rezultatin ndërkohë që Quagliarella në të 27-tën kthehu në gol një 11-metërsh për të kaluar sërish në epërsi Samp. Megjithatë reagimi i Napolit erdhi që në pjesën e parë pasi Insigne dhe më pas Hamsik përmbysën rezultatin me golat e tyre. Pjesa e dytë nuk prodhoi më gola ndërkohë që Napoli e mbylli ndeshjen me një lojtar më pak pas daljes me karton të kuq të Mario Ruit në të 77-tën. Me këtë fitore të kaltrit u ngjitën në kuotën e 45 pikëve.
Në ndeshjet e tjera Benvento nuk arriti të merrte dot pikën e dytë pasi u mposht në fund nga Genoa me një penallti të kthyer në gol nga Lapadula. Luajti si titullar Berat Gjimshiti ndërkohë që nuk u aktivizua fare Ledian Memushaj te Benevento. Vijoi ecurinë e mirë Udinese që mposhti 4-0 Veronën ndërkohë që sfida tjetër Spal-Torino përfundoi në barazim 2-2.
