Lewis Hamilton shuan zërat që flasin për një tërheqje të tij të shpejtë Formula 1, por edhe për kalimin e tij te Ferrari edhe pse kjo u bë në mënyrë jo të drejtpërdrejtë. Hamilton këtë sezon fitoi edhe Botërorin e katër të Formula 1, me skuderinë e Mercedes dhe duket se lakmia e tij për të korrur suksese të tjera nuk është shuar edhe pse pak dit më parë foli për projekte të tjera që nuk lidheshin me garat.
“Mercedesi më mori në skuadër kur isha vetëm 13 vjeç. Jam pjesë e Formula 1 prej 10 vitesh dhe garoj për këtë skuadër prej 20 vitesh. Është e vështirë ta imagjinoj veten në një vend tjetër. Me siguri do të nënshkruaj një kontratë tjetër me Mercedesin”, tha Hamilton.
Vlen të kujtohet se kontrata e Hamiltonit me Mercedesin skadon në fund të vitit 2018 dhe britaniku ende nuk e ka rinovuar kontratën dhe kjo deklaratë e tij i fashiti përfundimisht të gjitha dyshimet në lidhje me këtë çështje. Por, Hamilton foli edhe për një pasion tjetër të tij që është edhe më i madh se ai për makinat dhe bëhet fjalë për motorët.
“Nuk më pëlqen të drejtoj makinën normalisht, më pëlqen vetëm të garoj në pista. Në ditët normale jam zakonisht një pasagjer, por kam edhe një motor në garazhin tim. Jetoj në Monako ku më pëlqen që të udhëtoj me motor, madje më duket vetja si Valentino Rossi. Jam mik më të dhe më pëlqen më shumë nga të gjithë”, vijoi Hamilton.
