Deputeti i opozitës së re Halit Valteri, ka hedhur akuza të rënda mbi deputetët e mazhorancës dhe përfaqësuesit e opozitës, se janë ata që kanë nxirë Shqipërinë përgjatë këtyre viteve.
Në morinë e akuzave, Haliti tha se kriminelët tashmë po qeverisin, e i thërrasim zotërinj.
“Kjo tufë, edhe derrin e bën të skuqet për sojin e tij, janë përgjegjësit kryesorë e të gjithë etiketimeve si kriminelë, hajdutë, mafia, banda etj. Është për të ardhur keq kur sheh akoma se Europa është akoma skeptike.
Na vendos kushte e na shton kushte. Ambasadorët tanë janë ata që shesin përralla me pasaportë diplomatike, dhe ata e nxijnë Shqipërinë, por qytetari, katundari dhe malësori vuajnë prej paaftësisë 30 vjeçare për të na përfaqësuar.
Shqipëria nuk ka pasur kurrë mafia, as organizata mafioze, por banda ka pas me bollëk në këto 30 vite. E në krye të listës janë ata që nuk u arrestuan asnjëherë, por mbretëruan duke bërë lojë hajduti policin, sa në TV, sa në parlament. Kriminelë që u thërrasin zotëri, hajdutë me pasaportë diplomatike kemi”, tha ai.
