Aktorja Monika Lubonja ka folur për marrëdhënien që ka me vajzën e saj, Tean. Ajo ka treguar se e ka rritur vajzën, njësoj si prindëri e vet e kanë rritur atë, të lrië dhe pa paragjykime.
“Unë doja ta rrisja Tean, njësoj si më rritën mua dy prindërit e mi, të lirë, pa paragjykime. Tea është nga ato vajza që sot, ajo kërkon që unë të jetoj. Domethënë ‘më ke rritur shumë mirë, më ke dhënë edukatë shumë të mirë, jam shkolluar vetë’.
Është shkolluar vetë me forcat e veta, ka ikur nga Shqipëria që në moshën 19 vjeç, sot ka arritur atje ku është, por gjithmonë edhe kur ishte në gjimnaz, i rija si ato mamat mbrapa pemës, i thosha shiko jetën tënde dhe lere jetën time. Mos u kufizo dhe gjej një njeri që të të dojë ty dhe kjo është lumturia ime më e madhe, sepse duke të të dashur ty, unë jam kaq e ngopur nga jeta dhe do vazhdojmë një jetë të gjithë së bashku”, tha Monika.
E teksa ishte duke treguar, sigurisht që s’kishte si t’i shpëtonte “ngacmimeve” të moderatorit Edi Manushi.
Ai tha se çdo javë gazetari Ervin Kurti thotë se Monika është fejuar, mirëpo këto thashetheme ashtu si dhe vetë Monikës i shkon, me lezet, i ka hedhur poshtë.
Edi Manushi: Ervin Kurti vjen çdo javë dhe thotë ‘është fejuar Monika’.
Monika Lubonja: Ah more Ervin të lumtë goja! Tani meqë jemi në një emision e dëgjuat? Hajde bujrëm!
