E para përfaqësuese që foli për median pasi doli nga mbledhja e thirrur nga PR dhe PAA ishte Mimoza Hafizi. Në fjalën e saj zonja Hafizi tha se Partia Libra që ajo përfaqëson insiston për standarde zgjedhore dhe për numërimin elektronik.
Hafizi: Roli i Libra-s ishte kërkimi i standardeve zgjedhore. Rama dhe Basha janë në një takim kokë më kokë më njëri tjetrin. Standardet zgjedhore nuk rregullohen me emra ministrash por me standarde zgjedhore dhe numërim elektronik. Në tryezë ka diskutime për datën e zgjedhjeve.
Partia “Libra” si përfaqësues të saj në tryezë kishte Mimoza Hafizin ndërsa kryetari i kësaj partie Ben Blushi shpjegoi më herët në Facebook se ai nuk ishte pjesë e kësaj tryeze sepse në të sonte nuk do të kishte një zgjidhje.
