Lufta me familjet mafioze ishte një nga sfidat e Rudolf Xhulianit përgjatë viteve 80. Pikërisht kjo përballje i ka rrezikuar edhe jetën, kur në vitin 1986, Xhon Goti kishte organizuar atentatin për vrasjen e tij.
Ai tregoi të gjithë këto momente teksa ka folur në emisionin “Opinion” të gazetarit Blendi Fevziu. Ai tregon se Goti kishte një diçka të çuditshme, pasi e shijonte atë që bënte.
Intervista e Xhulianit
BF: Ky njeri, Xhon Goti, donte t’ju vriste në ’86. Ai vendosi t’ju vrasë. Dhe ishte vrasësi më i njohur i botës. Keni pasur frikë për jetën tuaj?
RG: Nuk e lejova veten të kem frikë.
BF: Kishit informacion se ky njeri donte t’ju vriste?
RG: Sigurisht. Unë kisha mbrojtje. Kur kisha nevojë. Unë kam mbrojtje edhe sot. Ka vende në të cilat nuk mund të shkoj.
BF: Ai ishte një njeri shumë i rrezikshëm.
RG: Ai ishte një njeri i rrezikshëm sepse ai e shijonte atë që bënte. Le ta krahasojmë me Kastelanon. Atij i pëlqente të vriste. Kur ai vrau Kastelanon, ai ishte në anën tjetër të rrugës.
BF: Në anën tjetër të rrugës?
RG: Dy njerëzit që ai punësoi nuk ishin mjaftueshëm të zotë. Ai ishte aty me numrin dy të tij i cili më pas iu kthye kundër. Dhe ai donte të sigurohej që ekzekutimi do shkonte mirë. Me siguri ai do e bënte vetë nëse ata nuk do e kishin bërë mirë. Mendo sa e rrezikshme është kjo. Ai mund të kapej. U deshën vite për ta kapur por më në fund ai u dënua.
BF: Po, ai vdiq në burg.
RG: Po, vdiq në burg.
BF: Në vitin 2000 më duket. Por nuk jam i sigurtë për vitin.
RG: Po, atë e kishin dënuar me burgim të përjetshëm.
