Lidhur me ngjarjet më të fundit në Maqedoni, ish-kryeministri, Nikolla Gruevski, ka rritur tonet e protestës dhe ka kërcënuar hapur ndaj kundërshtarëve të tij. “VMRO-DPMNE do të përgjigjet ashpër dhe në mënyrë përkatëse, nëse LSDM tenton në kundërshtim me rregulloren të emërojë kryetar të Kuvendit, ndërsa edhe populli nuk do të mbetet duarkryq”, tha Gurevski.
Nëse LSDM hyn në skenar në sjellje të pa drejtë, të paligjshme, jo demokratike dhe në kundërshtim me rregulloren në Parlament duhet të dijë se VMRO-DPMNE do të reagojë ashpër, ndërsa duhet të presë se edhe populli në Maqeodni do të ketë reagim serioz, sipas asaj që mund ta shohim këto ditë. Ky do të ishte gabim i madh i LSDM-së në drejtim të prishjes së demokracisë dhe stabilitetit në Republikën e Maqedonisë”, tha Gruevski, në përgjigje të pyetjes së gazetarëve pas vizitës së sallës së re, në Shtëpinë e fëmijëve pa prindër “11 Tetori”, në Shkup.
Ai theksoi se populli është mjaft i sensibilizuar dhe i vetëdishëm se, siç tha ai , Zaevi ka marrë obligim dhe se merr faturë për to.
Lideri i VMRO-DPMNE-së shtoi se populli është i vetëdijshëm, e di çfarë ndodh dhe sheh çfarë obligimesh ka ndërmarrë Zaevi dhe tashmë 40 ditë çdo ditë reagon nëpër rrugë.
LSDM-ja e Zoran Zaevit dhe partnerët e tij shqiptarë, të cilët bashkë kanë siguraur 67 vota në parlamentin 120-anëtarësh, paraqitën iniciativën për emërimin e Talat Xhaferit të Bashkimit Demokratik për Integrim, kryetar të ri të Kuvendit.
