Kryeministri Edi Rama ka parë nga afër punimet që po kryhen në Spitallë të Durrësit, në vazhdim të projektit të rindërtimit. Ai është ndalur në një nga kafet e zonës, pasi qytetarët që ishin atje e kanë ftuar për disa minuta.
Mes bisedës dhe batutave, një nga personat që ndodhej pranë Edi Ramës i ka kërkuar duke qeshur personit që filmonte që të mos i transmetonte pamjet, sepse gruaja do ta linte të flinte në tokë duke qenë se ishte pranë kryeministrit.
Qytetari: Të lutem mos e nxirr në media atë, sepse duhet me fjet në tokë sonte, se gruaja kujton se jam demokrat. Jam bashku me kryeministrin, do fle në tokë sonte
Rama: Shif bëj kujdes se gruaja të thotë tjetër gjë, voto për mua
Qytetari: Ajo me zor më afrohet mua, jo më ty
Rama: Ajo mund të jetë kundër, mund të dojë dikë tjetër, po gratë shofin punën
Qytetari: Nuk shef gjë, ja kam mërzit jetën nuk shef më gjë.
