Duket se problemet ekonomike për shtetin fqinj, Greqinë, nuk kanë të sosur.
Nga raportimet mediatike të agjencisë greke të lajmeve ”Ana”, thuhet se qeveria greke nisi sot procedurën parlamentare për miratimin e masave të reja të kursimit me kërkesë të kreditorëve.
Bëhet me dije se është mëse e nevojshme për të vijuar shpëtimin financiar të vendit dhe për të zbutur situatën e borxhit.
”Qeveria ka rishikuar me ulje parashikimin e saj për rritjen ekonomike në vitin 2017, në 1,8 për qind të PBB kundrejt 2,7 për qind parashikuar nga ligji i Financave dhe 2,1 për qind nga Komisioni Evropian”, saktësoi Ana.
Këto të dhëna janë përfshirë në projektin e kuadrit buxhetor 2017-2021 depozituar dje në mbrëmje në Parlament me projektligjin për raundin e ri e masave shtrënguese buxhetore.
