Një grup kompanish kanë blerë portin e Selanikut në Greqi, me vlerën 231.9 milionë euro.
Sipas gazetës greke “Protothema”, blerësit janë Deutsche Invest Equity Partners dhe Ivan Savvidis, pronari i ekipit të futbollit PAOK.
Të ardhurat për shtetin grek nga kontrata parashikohen në 170 milionë euro, ndërsa investimet në 7 vitet e ardhshme parashikohet të arrijnë vlerën 180 milionë euro.
Gjykata e Auditit do të japë vendimin final lidhur me kontratën, ndërsa kompania në fjalë do të blejë 67% të aksioneve të portit, shkruan lajmi.net.
Porti i Selanikut është një ndër më të rëndësishmit, të cilin qeveria greke vendosi ta privatizojë, si pasojë e krizës së vitit 2008.
