Komisioni Evropian do të lëshojë një fond prej 305 milionë euro shtesë për t’u marrë me krizën e migracionit.
E përditshmja greke “Ekathiremini” shkruan se do të jetë Greqia e cila do të marrë pjesën më të madhe të fondeve të ndihmave emergjente të dhënë nga KE.
Sipas Komisionit, Greqia do të marrë 289 milionë euro, ndërsa Italia, Qiproja dhe Kroacia do të marrin përkatësisht 5.3, 3.1 dhe 6.8 milion euro.
“Komisioni është i përkushtuar të vazhdojë mbështetjen e shteteve anëtare nën presion e emigracionit. 305 milionë shtesë të dhëna këtë javë për disa shtete, do të adresojnë nevojat urgjente duke siguruar që të sapoardhurit të akomodohen dhe të kenë ushqim dhe ujë, që siguria e tyre të jetë e garantuar dhe se kontrollet kufitare të forcohen kur është e nevojshme , “tha në një deklaratë Komisioneri i BE-së për Migracionin Çështjet e Brendshme dhe Shtetësinë, Dimitris Avramopulos. TIRANA TODAY
