Zbardhet përplasja e grekëve dhe shqiptarëve që përfundoi me 6 të plagosur në Geraka, pranë Athinës. Ngjarja ndodhi pikërisht në ditën e vrasjes së Kostandinos Kaçifa nga forcat RENEA, pasi i sulmoi me armë zjarri këto të fundit.
Por, duke se përleshja mes shqiptarëve dhe grekëve nuk ka lidhje me ngjarjen e djeshme në Bularat të Gjirokastrës.
Sipas mediave greke, shkaku i sherrit është konflikti ekonomik që kishin dy shqiptarë. Sipas dëshmive, rezulton se sherri nisi të dielën, kur tre shqiptarë shkuan në një dyqan në Geraka, në periferi të Athinës, ku punonte një tjetër shqiptar për t’u sqaruar lidhur me një borxh që ky u fundit u kishte.
Por, situata degjeneroi dhe tre shqiptarët e rrahën bashkatdhetarin. Më pas, shqiptari që u rrah mirë, kërkoi përforcime dhe mori disa shokë me vete, dhe më pas u takua me ata të tre, në një park, në orët e para të mesnatës. Aty, u përleshën fillimisht me thika, por më pas dolën edhe armët.
Të plagosurit me armë, mbetën një grek dhe një shqiptar. Greku ka marrë plumb në fyt dhe është në gjendje të rëndë.
