Një shqiptar i cili akuzohet se ka marrë pjesë në grabitjen e vilës luksoze të futbollistit anglez Raheem Sterling ka dalë sot para gjykatës.
Emiliano Krosi, 23 vjeç, dyshohet se ka marrë pjesë në 33 grabitje, duke përfshirë edhe shtëpisë e sulmuesit të Chelseat, një super rezidence me vlere 7 milionë paund në Oxshott, Surrey, në dhjetor të vitit të kaluar.
Në bastisje u vodhën sende të çmueshme dhe ora me vlerë 300 mijë paund.
Sipas Daily Mail shqiptari me banim në Southend-on-Sea, Essex mbërriti me vonesë në gjykatë pasi furgoni i burgut që transportonte të pandehurin u prish.
Krosi nuk u deklarua gjatë seancës së shkurtër për menaxhimin e çështjes në Gjykatën e Guildford Crown. Ai foli vetëm për të konfirmuar emrin e tij përmes një përkthyesi në gjuhën shqipe. Ai u përfaqësua nga avokati mbrojtës Graham Bloëer.
Ndërkohë avokatit të akuzës Laurence Imrie iu dha afat deri më 6 tetor për t’i dorëzuar të gjitha provat.
Çështja u shty dhe një gjyq u caktua për në shkurt të vitit të ardhshëm.
