Është publikuar automjeti me të cilin tri autorët e grabitjes së argjendarisë në Kamëz janë larguar pas vjedhjes. Policia njoftoi se bëhet fjalë për persona të maskuar dhe të armatosur, të cilët nën kërcënimin e kallashnikovit arritën të marrin disa bizhuteri floriri nga biznesi në rrugën “Nënë Tereza”, duke u larguar më pas me shpejtësi me automjetin tip “BMW”.
Policia njofton se ka ngritur pika kontrolli në qarqet Tiranë, Durrës, Lezhë, Kukës dhe Shkodër me qëllim kapjen e autorëve, të cilët ende nuk janë identifikuar. Grupi hetimor po punon për zbardhjen e dokumentimin e autorësisë të kësaj ngjarje.
