Granit Xhaka pasi shënoi përballë Serbisë dukeshe qartë që shfryu një inat të madh që e mbante prej kohësh brenda. Përpos luftës që e detyroi atë të largohet nga Kosova, Graniti ka edhe një histori personale për të cilën duket se u hakmor. Ragip Xhaka , i ati i Granitit, në vitin 1986 ai kaloi disa vite në burg në Beograd për thirrje për bashkimin e të gjithë shqiptarëve në një shtet, shkruan gazeta serbe “Alo”.
Ragip Xhaka ishte një nga disidentët e parë shqiptar ne vitet e tetëdhjeta, dhe një nga shqiptarët e parë që kërkonin statusin e “Republikës së Kosovës”, në ish-Jugosllavi. Në vitin 1986, në moshën 22 vjeçare u arrestua dhe për një kohë ai kaloi dënimin politik në burgun e Beogradit.
Ai u dënua me gjashtë vjet burg për parulla kundër sistemit, duke shkruar slogane: “Trepça punon, Beogradi po ndërtohet”, “Liri, Barazi, Demokraci”, “Kosova e shqiptarëve”, “Ne duam një vend të bashkuar shqiptar” “Republika e Kosovës”, “Ne jemi shqiptarë, jo jugosllavë”, “Bashkimi me Shqipërinë”.
Duhet të kalonin 30 vite që babai i Granit Xhakës, t’i hakmerret Serbisës, për padrejtësitë e kryera ndaj shqiptarëve gjatë pushtimit.
