Dita e parë e korrikut ka përkuar me një gëzim të madh në familjen e Gold AG. Këngëtari i njohur është bërë baba për herë të tretë. Në gjirin e familjes është shtuar edhe një vajzë.
Përmes një postimi në rrjetet sociale ku ka ndarë foton e dorës së tij dhe të sapolindurës, ai ka zbuluar emrin e saj dhe domethënien e veçantë. Gold AG zbulon edhe një detaj tjetër, vajza ka të njëtën ditëlindje me gjyshin e saj i cili është ndarë nga jeta.
“Falënderimi i takon Allahut, Krijuesit të qiejve dhe tokës, Furnizuesit e Mëshirëplotit që sot prapë na furnizoi e na gëzoi me një dhuratë të çmueshme, me një vajzë. Unë dhe Ermira u bëmë prind për herë të tretë, e Guerili e Fronti u bënë me një motër. O Allah, o Zoti im bëje rob falenderues dhe bëje më të mirë se sa ne e mendojmë.
Çika e babit, o gëzimi jonë, babi emrin po ta lë EMBLEMA, ruaje dhe duaje dhe dije që je gjë e çmuar dhe e paprekshme si emblema me tri shkronjat e arta.
Paç shëndet e gjitha të mirat e Zotit bijë, e dije që deri sa të kem jetë do të jem krah i joti.
Emblema e babit, në këtë datë lindi edhe gjyshi yt që ti nuk e ke në këtë botë, por kur të rritesh do ta kuptosh se sa e deshi këtë flamur që ja jep hijeshinë emblemës. Qofshim krenarë me ty e mira e babit.Faleminderit o Zot për të mirat e tua të pafundme. 01 korrik 2025.”
