Premier League është një ndër kompeticionet më të luftuar të futbollit në Europë. Asnjë ndeshje nuk është e lehtë dhe mund të të shkaktojë humbjen edhe skuadra e vendit të fundit. Anglezët praktikojnë një futboll sulmues dhe me një intensitet aksionesh mjaft të lartë.
Mbrojtjet janë të forta dhe të shënosh nuk është e lehtë. Duke parë renditjen e kampionatit anglez këtë sezon, vihet re që janë disa skuadra që luftojnë për kreun e tabelës edhe pse Liverpool u distancua në javën e fundit.
Lufta për golashënues në Premier League është e fortë dhe momentalisht ylli i Tottenham, Harry Kane ka rënë nga froni, për t’ia dorëzuar Pierre Emerike Aubumeyang. Ylli nga Gaboni i Arsenal kryeson listën me 12 gola, ndërsa pas tij vjen Salah dhe Kane me 12 të tillë.
