Në Nion të Zvicrës u hodh, pak minuta më parë, shorti për gjysmëfinalet e UEFA Champions League.
Goglat prodhuan një derbi madrilen brenda Evropës, ku Real Madrid do të përballet me rivalët e kryeqytetit spanjoll, Atletico Madrid. Ndërsa Juventusi duket se do ta ketë më te lehtë përballë Monacos. Por, kjo e fundit nuk duhet nënvlerësuar, nisur edhe nga paraqitjet e fundit kur eliminoi Borussian e Dortmundit.
Takimet e para gjysmëfinale do të zhvillohen në datat 2 dhe 3 maj, ndërsa ndeshjet e kthimit do të luhen në datat 9 dhe 10 maj.
