Gjykata e Apelit, në Colmar të Francës, ka liruar Ramush Haradinajn. Vendimi u mor para pak minutash, në seancën e sotme, e cila u zhvillua pas disa seancash.
Dhjetëra shqiptarë kanë qenë të pranishëm në gjykatë, duke pritur me padurim lirimin e Haradinajt, i cili po mbahet në Francë që në fillim të janarit, pas një fletë arresti të lëshuar nga Serbia.
Vendimi është duartrokitur nga të pranishmit, të cilët janë gëzuar pa masë për lirimin e ish-kryeministrit të Kosovës.
Serbia kërkoi ekstradimin e kreut të AAK-së, të cilin e akuzonte për krime lufte, por Gjykata e Apelit në Francë e shpalli të pafajshëm Haradinajn.
