Fama dhe magjia e dhënë në fushën e lojës, nuk e ka penguar një gjykatë në Brazil që të marrë masa ekstreme ndaj ish-sulmuesit të Milanit dhe Barcelonës, Ronaldinho. Pak kohë më parë ata i kishin sekuestruar të gjitha llogarit bankare, por qesharak ishte fakti se në to kishin gjetur vetëm 6 euro.
Ndërsa së fundmi drejtësia i ka konfiskuar edhe pasaportën. Ronaldinho është ndaluar të udhëtojë drejt Emirateve Arabe, ku do të merrte pjesë në Konferencën e 13-të Ndërkombëtare të Sporteve në Dubai.
Fotografitë dhe emri i lotarit u shpërndanë në postera që njoftonin ngjarjen në fjalë. Ai do të mbante një fjalim në konferencën në fjalë, ku do të merr pjesë edhe bashkëkombasi i tij, Ronaldo Fenomeni.
Gjyqtari i Gjykatës së Drejtësisë së Rio Grande vendosi të bllokojë pasaportën e ish-sulmuesit të Barcelonës dhe vëllait të tij. Ata janë gjobitur për ndërtime të paligjshme në një zonë të mbrojtur, por hipotekimi i pasurisë së tyre nuk ka qenë e mjaftueshme për të paguar borxhin për shkak të interesit të lartë të krijuar gjatë katër viteve të konfliktit gjyqësor. Lojtari nuk ishte në Brazil kur gjyqtari e mori vendimin.
