Presidenti i Maqedonisë, George Ivanov nuk dekretoi ligjin për përdorimin e gjuhëve. Presidenti tha se ligji rrezikon karakterin unitar të shtetit , sovranitetin dhe integritet territorial të Maqedonisë.
Shumica e shqiptarëve pyesin se çfarë do të ndodh tani me ligjin. Brenda 30 ditëve ky ligj do të rikthehet në Kuvend në seancë plenare. Kësaj here ligjit i mjaftojnë vetëm 61 vota pro për të hyrë në fuqi menjëherë.
Kryetari i Kuvendit maqedonas, Talat Xhaferri tha sot se ligji për Gjuhën Shqipe do kthehet në Kuvend, ndërsa shtoi se sugjerimet e Ivanov do të shqyrtohen. Mes të tjerash ai theksi se votat për këtë projektligj mund të shtohen edhe më shumë.
“Ligji për gjuhët do të rikthehet në Kuvend dhe do të shqyrtoj sugjerimet e Ivanov. Votat mund edhe të shtohen pasi një pjesë e deputetët nuk kanë qenë prezentë në seancë plenare”, tha Xhaferri.
Mos dekretimi i gjuhës shqipe nga ana e presidenti, tregon që bashkëjetesa mes shqiptarëve dhe maqedonasve nuk ka një mbështetje të plotë nga ana e politikës. Edhe pse Kuvendi votoi ditë më parë me 69 vota pro, tashmë presidenti i thotë jo vullnetit të legjislativit për t’i hap rrugë zyrtarizmit të gjuhës shqipe.
Marrëveshja e Ohrit synon që qytetarët e Maqedonisë, dhe shqiptarët që jetojnë aty, të lidhin ura bashkëpunimi për të garantuar një prosperitet dhe arritje drejt strukturave euroatlantike. Shqiptarët në Maqedoni përbëjnë elementët e shtet formimin, ndërsa veprimet bllokuese nga presidenti tregojnë se ka një mungesë të plotë të gatishmërisë për të mbyllur problemet e vjetra.
