Gjigandët e teknologjisë, si: Facebook, Wikipedia e Mozilla, por edhe organizata të ndryshme jofitimprurëse janë bërë bashkë kundër “fake news”.
TechSot.al ka mësuar se konsorciumi është emërtuar “News Integrity Initiative”, i financuar me 14 milionë dollarë si fillim. Do të zhvillohet si një projekt i pavarur, i marrë përsipër nga shkolla e gazetarisë në City University of New York dhe do promovojë kërkime, iniciativa dhe evente sensibilizuese.
Qëllimi, informon TechSot.al, është sensibilizimi dhe informimi online i publikut me material cilësor dhe, mbi të gjitha, të vërtetë. Facebook është mes ortakëve themelues të konsorciumit, së bashku me Mozilla, AppNexus, Betaworks dhe fondacioneve të ndryshme në SHBA.
Mes partnerëve është edhe Wikipedia, Jimmy Wales, UNESCO, European Journalism Center dhe shkollat e gazetarisë në Francë, Gjermani e Danimarkë.
Problemi nga lajmet false, raporton TechSot.al, shpërtheu kryesisht gjatë fushatës zgjedhore për presidentin amerikan, që përfshiu sidomos Facebook e Google.
