Sulmuesi i Sheffieldit Wednesday, ka luajtur më parë nën urdhrat e trajnerit të Kukësit, Peter Pacult. Bëhet fjalë për Atdhe Nuhiun që kërkohet nga verilindorët, pasi ka punuar më parë me teknikun austriak tek Rapidi i Vienës dhe pëlqehet shumë nga ai, shkruan Gazeta Metro, raporton Tirana Today.
28-vjeçari ka hyrë në gjashtë muajt e fundit të kontratës së tij tek Sheffield, tek të cilët ka startuar vetëm dy herë këtë sezon. Dhe në një intervistë të kohëve të fundit me Times, ai pranoi se e ardhmja e tij në Hillsborough është e pasigurt. “Çfarë thotë e ardhmja, nuk mund ta them sepse kontrata ime skadon në verë dhe nëse është koha për një ndryshim, është koha për një ndryshim, nuk e di,” tha Nuhiu.
Sipas Gazeta Metro, Nuhiu do të bëhet lojtari më i paguar në Kukës, duke fituar një rrogë që përshkruhet si ‘e frikshme’. Por të Sheffield, të cilët mbeten pa një menaxher pas largimit të Carlos Carvalhal, mund të dëshirojnë të mbajnë Nuhiu për momentin, me treshen tjetër të sulmit Gary Hooper, Steven Fletcher dhe Fernando Forestieri.
Nuhiu është shqiptar i Kosovës dhe ka zgjedhur të luaj për kombëtaren e atdheut të tij edhe pse u rrit në Austri. Sulmuesi u bashkua me Sheffield rreth 4 vite e gjysmë më parë, pasi u largua nga Rapid Vienna. Ai ka luajtur edhe për Wels, Austria Kärnten, SV Ried dhe Eskişehirspor. TIRANA TODAY
