Babai i 23-vjeçarit Renis Dobra, i vrare se fundmi, shpreh dyshimet e tij per motivet e krimit, duke perjashtuar problemet ne Germani si shkak të ngjarjes.
“Gjendja e bashkëshortes time është shumë e rëndë. Falenderojmë policinë për punën e tyre. Unë jam personi i fundit që kam komunikuar me djalin. Ai u largua nga shtëpia rreth orës 17:00 dhe shkoi në Burrel për një xhiro dhe kafe. Të martën folëm për herë të fundit në ora 21:36, ku më tha: ‘Babi, po nisem për në shtëpi’. Unë i thashë ‘Mirë babi, mirë ardhsh’. Ai po vinte nga Burreli, një distancë rreth 5 kilometrash, por nuk arriti kurrë në shtëpi,” rrëfeu babai i viktimës.
Ai shtoi me vendosmëri: “Nuk më mbushet mendja që vrasja ka ndodhur për probleme që lidhen me Gjermaninë. Ne si prindër nuk kemi asnjë dyshim për këtë.”
Hetimet për zbardhjen e plotë të rrethanave vazhdojnë, ndërsa familja kërkon drejtësi për humbjen e të dashurit të tyre.
