Një bombë e Luftës së Dytë Botërore është gjetur në Këln. Zyrtarët e qytetit gjerman kanë evakuuar të paktën 8000 persona nga shtëpitë e tyre, me qëllim çminimin e bombës.
Bomba e cila peshonte plot 500 kilogramë, u gjet në perëndim të qendrës së qytetit, në lagjen “Braunsfeld”.
Njerëzit në një rreze prej 500 metrash duhej të largoheshin që ekspertët të mund ta çaktivizonin.
“Çminimi pritet të kryhet sa më shpejt të jetë e mundur”, thanë autoritetet.
Trenat dhe autobusët që kalojnë aty pranë janë ndaluar, ndërsa hapësira ajrore në këtë zonë është bllokuar.
