Deputeti dhe nënkryetari i PD Agron Gjekmarkaj, së bashku me deputeten Lindita Metaliaj dhe kryetarin e PD-së Lezhë, Gjin Gjoni, zhvilluan një takim me demokratët dhe banorët e Kashnjetit.
Gjekmarkaj përmendi në fjalën e tij bukuritë natyrore të zonës, por edhe neglizhencën e tij nga qeveria, e cila ka dështuar të investojë dhe zhvillojë infrastrukturën, shërbimet shëndetësore dhe shkollat. Ai kritikoi mungesën e shërbimeve dhe theksoi se Kashnjeti është lënë pas dore për 12 vjet, duke u kthyer në një zonë të kultivimit të drogës.
Gjithashtu, ai denoncoi ndërprerjet e energjisë elektrike dhe refuzimin e qeverisë për të miratuar propozimin e PD-së për faljen e kamatvonesave. Gjekmarkaj premtoi se, me fitimin e besimit të qytetarëve, Partia Demokratike do të sjellë zhvillimin e duhur për këtë zonë dhe do të rikthejë shpresën dhe besimin tek qytetarët e Lezhës.
