Kryetari i Partisë Demokratike, Sali Berisha, ka denoncuar rënien e nivelit të arsimit gjatë qeverisjes së Edi Ramës.
Në një takim me mësuesit, Berisha u shpreh se 760 shkolla janë mbyllur dhe numri i studentëve ka rënë me mbi 60 mijë gjatë këtyre viteve. Ai tha se arsimi ka qenë viktima më tragjike e qeverisjes së Ramës, duke akuzuar qeverinë për zëvendësimin e mësuesve me patronazhistë.
Berisha theksoi se Shqipëria ka përjetuar një rënie dramatike në arsimin e fëmijëve dhe studentëve, duke përmendur një rast në Kolonjë ku në vitin 2023 regjistrohet vetëm një lindje dhe në vitin 2030 pritet që vetëm një fëmijë të ulet në klasën e parë. Ai gjithashtu e krahasoi politikën e Ramës me një goditje të rëndë për shqiptarët dhe përmendi veprimet e tij antishqiptare, duke akuzuar qeverinë për përpjekje për të shkatërruar kombet dhe marrëdhëniet me Kosovën.
“Janë mbyllur 760 shkolla. Këto vite numri i studentëve ka rënë me mbi 60 mijë, është regjistruar ajo që ndoshta nmuk është regjistruar ndonjëherë në histori. Një qendër e banuar si Kolonja ka pasur në vitin 2023 vetëm 1 lindje. Në vitin 2030 në klasë të parë ulet vetëm një vogëlush. Në asnjë pushtim, në asnjë fatkeqësi natyrore nuk është goditur si këto 12 vite të qeverisjes së një njeriu që ka pasur mision shkatërrimin e këtij kombi. Edi Rama përbën ndoshta antishqiptarin më të zi të historisë.
Si e kanë quajtur analistët më të mëdhenj të kohës, Pashiqi shqiptar. Këtë gjëmë që i bëri Shqipërisë me politikat e tij e shoqëroi me thika të tmershme pas shpine Kosovës. Jo vetëm që ndaloi procesin e normalzimit të marrëdhënieve Prishtinë-Beogread, por mori anën e Serbvisë. I vuri sanksione Kosovës, me urdhër antishqiptar.
Kjo që pësojnë Shqipëria dhe shqiptartët me Ramën është e pashembullt në histori. Arsimi ka qenë viktima më tragjike e tij. Mësuesit u zëvendësuan me patronazhistë”, tha Berisha.
