Kryetari i Partisë Demokratike, Sali Berisha, ka reaguar ashpër pas vendimit të kryeministrit Edi Rama për të marrë nën kontroll Bashkinë e Tiranës pas arrestimit të Erion Veliajt.
Ai ka akuzuar Ramën se po luan një lojë dyfytyrëshe, duke shprehur “lotë krokodili” për Veliajn gjatë ditës, ndërsa në mbrëmje e mbështet për të mbrojtur interesat e tij.
“Rama e ka kaluar çdo kufi të moralit dhe të ligjit. Gjatë gjithë ditës ai ka bërë sikur qan për Veliajn, por në fakt, në errësirë po i zë vendin atij. Kjo është zgjidhja e fundit për të mbrojtur pasuritë e uzurpuara dhe për të fshehur provat e krimit që ka pushtuar Bashkinë e Tiranës,” tha Berisha.
