Gazetarja Erisa Zykaj, e pranishme në konferencën të Bushatit dhe Mogherinit, i ka kujtuar kësaj të fundit hetimet që po zhvillohen ndaj ish-ministrit Tahiri, si dhe shifrat e frikshme të largimeve të shqiptarëve.
Më herët, përfaqësuesja e lartë e BE-së, Mogherini u tregua mjaft pozitive duke e cilësuar progresin e Shqipërisë si mjaft pozitiv, si dhe tha se integrimi i saj është një proces i pakthyeshëm.
Duke iu përgjigjur pyetjes së gazetares Zykaj, Mogherini tha se ka një rregull të artë, që nuk komenton çështjet që janë duke u hetuar, pasi respekton dhe admiron punën e gjyqësorit.
Përgjigja e Mogherinit:
Siç e thashë, koordinimi i drogës dhe trafikut duhet të trajtohet në mënyrë serioze dhe me autoritete gjyqësore që të bëjnë punën e tyre. Siç e nxori në pah ministri, agjencitë ligjzbatuese po bashkëpunojnë me vendet anëtare, edhe me gjyqësorin italian. Është rregulli im i artë që të mos komentoj për hetimet që vazhdojnë, nuk është korrekte që të komentoj. E respektoj dhe admiroj punën e gjyqësorit, trafikimi i drogës dhe kultivimi i saj është prioritet jetik për punën përpara. Shikoj vendosmëri dhe vullnet politik, sigurisht duhet të shohim rezultate të qarta jo sepse është një kusht i BE-së, është një kusht i popullit shqiptar.
Duhet të tregohemi të vendosur, transparente, bashkëpunim me gjyqësorin dhe vendet e BE-së, krahasuar me vitin e kaluar ka pasur progres.
