Humbja me Fiorentinën ka lëkundur pozitat e Gennaro Gattuso në krye të Milanit dhe të gjithë mendojnë se ndeshjet kundër Frosinone dhe Spal duhet të fitohen patjetër për të shpëtuar trajneri kuqezi.
Për ndeshjen e nesërme në transfertë ndaj Frosinones, Gattuso ka shpallur listën e lojtarëve të grumbulluar. Për këtë ndeshje është rikthyer Bakayoko dhe Kessie, të cilët ishin të skualifikuar për ndeshjen kundër Fiorentinës për shkak kartonësh, ndërsa për nesër tekniku kuqezi nuk duhet të llogarisë shërbimet e Suso, i cili është lënë jashtë liste. Ende nuk dihen arsyet e këtij vendimi.
Për këtë Milan mund të rreshtohet me skemën 4-4-2 nesër, me Higuain-Cutrone në sulm, ose me 4-3-3, me Mauri e Cutrone në krah të sulmit. Në mbrojtje Musachcio mund të zërë vendin e Zapata.
